Accións curso 2024-2025

Seguimos mantendo con moito esforzo o Servizo Madrugadores. Estreamos a Primeira Edición da Festa Benvida ao Curso na cal buscamos tempo de calidade cas familias con actividades ao aire libre. Todo un éxito a Festa Holi.

Un ano máis achegamos a cultuta o cole da man de actores e actrices galegos. Contamos con Cristina Collazo na nosa Festa de Samaín e con Fredi Muíño para pechar o curso con toda a rapazada do CEIP.

Formamos parte por primeira vez da Cabalgata de Reis e do Desfile do Domingo de Baldréus. Traballaron coma campeóns elaborando os traxes de pequebaldréus en varios talleres polas tardes.

Accións curso 2022-2023

Logramos arrancar o Servizo Madrugadores, tan importate para a conciliación familiar. Conseguimos concentrar as actividades extraescolares no centro educativo.

Como novidade decidimos celebrar o Samaín coas familias socias e superamos todas as nosas expectativas conseguindo unha particiación de preto do centenar de nenos e nenas socios.